Thursday, December 6, 2007

കണ്ണീര്‍ മഴത്തുള്ളികള്‍

ഈ നീലസാഗരം ഇതെന്റെ സ്വന്തം...
എന്റെ ദുഖങ്ങള്‍ക്ക് കുളിര്‍ സ്വാന്തനം...

നിന്റെ പ്രണയം ഈ കടലലമാലകള്‍ പോലെയെന്നു
ഒരു നാള്‍ നീ പറഞ്ഞു...

നിന്റെ ചുംബനങ്ങളില്‍ ഞാനൊരു
പെയ്യാന്‍ കൊതിക്കുന്ന മേഘമായ് തീര്‍ന്നു....

അപ്പോള്‍ എന്റെ കവിളില്‍ വീണ മഴതുള്ളികള്‍ക്ക് ഉപ്പുരസം ആയിരുന്നു...
ഞാന്‍ എന്റെ സ്വപ്നങളില്‍ നിന്നു പറന്നിറങ്ങി...
എന്റെ ഏകാന്തതയില്ലേക്ക് കണ്ണുനീര്‍ പെയ്തിറങ്ങി ....

ഒരു മഴതുള്ളിയായി നിന്നിലേക്കു പെയ്തിറങ്ങാന്‍
നിന്റെ ഓര്‍മ്മകളുമായി ഞാന്‍ വരുന്നു...

( ഒരു ഇംഗ്ലീഷ് കവിതയുടെ വിവര്‍ത്തനം ആണ് ഇതു)

Friday, November 30, 2007

പ്രണയത്തിന്റെ താമരകള്‍

നിന്റെ മൗനത്തിന്റെ വല്മീകങ്ങള്‍ക്ക് അപ്പുറത്തു
എന്റെ പ്രണയവുമായി ഞാന്‍ കാത്തിരിക്കുന്നുണ്ട്‌...
ഹൃദയത്തില്‍ പ്രണയത്തിന്റെ മണ്‍ചിരാതുകളുമായി
ഉറങ്ങാതെ ഞാനുണ്ട്...
നിന്റെ മൗനത്തിന്റെ ഭിത്തികളില്‍ പ്രതിധ്വനിക്കുന്നത്
എന്നോടുള്ള പ്രണയമാണോ എന്നെനിക്കറിയില്ല...
എങ്കിലും ഞാന്‍ നിന്നെ ഇഷ്ടപെടുന്നുണ്ട്...
അണയാത്ത സൂര്യനെപോലെ എന്റെ ഹൃദയത്തില്‍ പ്രണയമുണ്ട്
നിന്റെ ഹൃദയത്തില്‍ താമരകളുണ്ടോ....നീലതാമരകള്‍............