ഇനിയെന്നുവരും പ്രഭാതം

ഉയരുക ഇനിയുമെൻ നാടേ...

കനവുകളങ്ങനെ പറന്നു  പൊങ്ങുമ്പോൾ
ദൂരെ, നല്ലൊരു നാളെയെ കാണാം
ചക്രവാളങ്ങളുമതിരുകൾ തീർക്കാത്ത
തിറയുള്ള തീരത്തെ കാണാം
പച്ചമണ്ണിൻ മനുഷ്യനെ കാണാം
നന്മ വിളയുന്ന ഭൂമിയെക്കാണാം
ഉയരുക ഇനിയുമെൻ നാടേ...
കണ്മണിയാം കണ്ണൂരേ 

താജ്മഹൽ

പ്രണയത്തിനു മുൻപ്
എന്റെ ഹൃദയം ഒരു മരുഭൂമിയായിരുന്നു
മരുപ്പച്ചകളെ തേടി അലയുന്ന
ഒരു ഒട്ടകം പോലെ
മനസ്സ് അതിലലഞ്ഞു നടന്നു
പ്രണയകാലം
എന്റെ ഹൃദയം ഒരു പൂന്തോട്ടമായിരുന്നു
അരുവികൾ ഒഴുകുന്ന
കുരുവികൾ പാടുന്ന
ശലഭങ്ങൾ പാറുന്ന
ഒരു പൂന്തോട്ടം
വിവാഹാനന്തരം
അതൊരു താജ്മഹൽ ആയി
പ്രണയത്തിന്റെ സ്മൃതി കുടീരം  

പനി

വാടി തളർന്ന പൂച്ചെണ്ടുപോൽ നീയെന്റെ
തോളിൽ കിടന്നു മയങ്ങാൻ തുടങ്ങവേ
പനിവന്നു വിറപൂണ്ട ചുണ്ടുകൾ കൊണ്ടെന്റെ
കവിളിൽ മെല്ലെ മുത്തമിട്ടീടവേ
നിറമുള്ള സ്വപ്നത്തിൻ സ്വർണ്ണ രഥമേറി
മകളേ നീ സുഖമായുറങ്ങുക
രാവിതിന്നപ്പുറം ഉഷസ്സു വരുന്നേരം
സൗഖ്യമായ് സന്തോഷമായുണർണീടുക 

പ്രണയത്തിന്റെ കാരാഗൃഹം

പ്രണയം പുഴ പോലെയാണ് 
കരകളെ താണ്ടി അത് ഒഴുകി നടക്കും 
പ്രണയം പൂവിന്റെ മണം പോലെയാണ് 
മന്ദമാരുതനിൽ അത് അനന്തമായി പറന്നു നടക്കും 
പ്രണയം കടലു പോലെയാണ് 
അഗാധതകളിൽ അത് മുത്തുകൾ ഒളിപ്പിക്കും
പ്രണയം ആകാശം പോലെയാണ്
അതെങ്ങും നിറഞ്ഞു നിൽക്കും
പ്രണയം ഭൂമിയെ പോലെയാണ്
അത് ജീവിതം ഹരിതാഭമാക്കും
പ്രണയം മഴ പോലെയാണ്
മനസ്സിൽ ഒളിപ്പിച്ച വിത്തുകൾക്ക്‌ അത് ജീവനേകും
പ്രണയം വസന്തം പോലെയാണ്
അതെങ്ങും പൂക്കാലം തീർക്കും
പ്രണയം സ്വാതന്ത്ര്യമാണ്
വിവാഹം പ്രണയത്തിന്റെ കാരാഗൃഹവും

പുതു പ്രതീക്ഷതൻ വർഷം

വിട പറയുന്നു വീണ്ടുമൊരു വർഷം
കനവുകൾക്കു ചിറകേകിയോരുവർഷം
സ്നേഹമുണ്ട്,വിഷാദവും,വാത്സല്യവും
സങ്കട കടലും പിന്നെ
സന്തോഷത്തിൻ പ്രഭാതങ്ങളും
വേനൽ ചൂടും ഇലകൊഴിയും  ശിശിരവും
വർണ്ണ ചിത്രം വരയ്ക്കുമാ ശരത്തും വസന്തവും
ജലപരവതാനി തീർക്കും മഴക്കാലവും
വേഗമേറിയ കാലചക്രത്തിന്റെ
വിസ്മൃതിയിൽ മറയുന്ന ഓർമ്മകൾ
വിരഹ വേദനയോടെ വിട ചൊന്നിട്ടു
പുതു പ്രതീക്ഷതൻ വർഷത്തെ വരവേൽപ്പു നാം.

പ്രസിദ്ധീകരിക്കപെട്ട മറ്റു ചില കവിതകൾ